Maliyyə Nazirliyi aprelin 11-də ilk dəfə olaraq vahid xəzinə hesabının milli valyutada olan sərbəst qalığının yerli banklarda depozitə yerləşdirilməsi üçün depozit hərracı keçirib.

Bu barədə Sizinxeber.az-ya Nazirlikdən məlumat verilib.

Bildirilib ki, hərrac dövlət büdcəsi vəsaitlərinin daha səmərəli idarə olunması məqsədilə təşkil olunub.

Hərracın nəticələrinə əsasən, vahid xəzinə hesabının 1,0 milyard manat həcmində sərbəst qalığı 4 sistem əhəmiyyətli bankda, 3 ay müddətinə, 7.21% orta çəkili faiz dərəcəsi ilə depozitə yerləşdirilib.

Qurumdan, həmçinin, depozit hərraclarının dövlət büdcəsinə əlavə gəlir formalaşdırmaqla, bank sektorunda likvidliyin artmasına töhfə verəcəyi də qeyd olunub.

Nazirlik bu kimi alətlər vasitəsilə dövlət vəsaitlərinin idarə olunmasında yeni yanaşmaların tətbiqinin genişləndiriləcəyi, dövlət büdcəsinə əlavə daxilolmaların formalaşdırılması istiqamətində fəaliyyətin isə davam etdiriləcəyini də açıqlayıb

Oxşar xəbərlər

Maliyyə Nazirliyi ilk dəfə depozit hərracı keçirib

Azərbaycanda büdcə kəsiri üzrə proqnoz 800 milyon manata yaxın artırılır

Hesablama Palatası: Dövlət büdcəsində nəzərdə tutulmadığı halda ssudalar verilib

Azərbaycan gələn il 3 milyard manata yaxın borc alacaq

"Xalq Bank"ın depozit portfeli 240 mln. manatdan çox azalıb - Hesabat