Azərbaycanda Novruz və Ramazan bayramları ilə əlaqədar qeyri-iş günlərində (20–31 mart) ölkədə fəaliyyət göstərən qeyri-həyat sığorta şirkətlərinə avtonəqliyyat vasitələrinə və daşınmaz əmlaklara dəymiş zərərlə bağlı ümumilikdə 2 634 müraciət daxil olub.

Bu barədə “Report”un sorğusuna cavab olaraq "Azərbaycan Sığortaçılar Assosiasiyası" İctimai Birliyindən bildirilib.

Məlumata görə, müraciətlərin 2 296-sı “Avtonəqliyyat vasitəsi sahiblərinin mülki məsuliyyətinin icbari sığortası”, 321-i “Kasko sığortası", 17-si isə “Daşınmaz əmlakın icbari sığortası” növü üzrə baş vermiş hadisələrlə bağlı olub.

“Müvafiq qeyri-iş günləri ərzində ölkəmizdə istər Novruz tonqallarına ehtiyatsız yanaşma səbəbilə, istərsə də vətəndaşların bayram səyahətləri zamanı bir sıra bədbəxt hadisələr qeydə alınmış, nəticədə sığortalanmış avtonəqliyyat vasitələrinə, o cümlədən daşınmaz əmlaklara ciddi zərər dəyib. Bu hadisələr üzrə ehtimal olunan ümumi təxmini zərər məbləği 2 milyon 550 min manat məbləğində müəyyən edilib. Hazırda daxil olan bütün müraciətlər üzrə hadisələrin tənzimlənməsi və zərərin qiymətləndirilməsi aparılır. Sığorta hadisəsi kimi tanınan hər bir hadisə üzrə ödənişlərin həyata keçirilməsi nəzərdə tutulur”, – deyə qurumdan bildirilib.

Oxşar xəbərlər

ASA: Qarlı havada baş vermiş sığorta hadisələrinə görə 3 milyon manata yaxın ödəniş veriləcək

Qarlı havaya görə 4 mindən çox avtomobilə 3 mln. manatadək ziyan dəyib - Son rəqəmlər

Qarlı havaya görə dörd mindən çox avtomobilə 3 mln. manatadək ziyan dəyib

“Bakı Sığorta”nın lisenziyasının qüvvəsi məhdudlaşdırılıb

ASA: Qarlı havaya görə 1500-ə yaxın avtomobilə 1 mln. manatadək ziyan dəyib