2024-cü ilin yanvar-fevral aylarında Azərbaycanda ÜDM-in həcmi 18 milyard 576,9 milyon manata bərabər olub ki, bu da əvvəlki ilin eyni dövrü ilə müqayisədə 5% çox olub.

"Sizinxeber.az-Economics" bu barədə Dövlət Statistika Komitəsinə istinadən xəbər verir. Məlumata görə, iqtisadiyyatın neft-qaz sektorunda əlavə dəyər 0,7% azalıb, qeyri neft-qaz sektorunda isə 10,1% artıb.

ÜDM istehsalının 39,9%-i sənaye, 9,9% ticarət, nəqliyyat vasitələrinin təmiri, 7%-i nəqliyyat və anbar təsərrüfatı, 5,5%-i tikinti, 2,7%-i kənd təsərrüfatı, meşə təsərrüfatı və balıqçılıq, 2,2%-i turistlərin yerləşdirilməsi və ictimai iaşə, 1,7%-i informasiya və rabitə sahələrinin, 19,8%-i digər sahələrin payına düşüb, məhsula və idxala xalis vergilər ÜDM-in 11,3%-ni təşkil edib.

Bu dövrdə əhalinin hər nəfərinə düşən ÜDM 1824,1 manata bərabər olub.

Oxşar xəbərlər

Azərbaycanda qeyri-neft sektorunda sənaye istehsalı 11%-dən çox artıb

Bu il Azərbaycana xaricdən pul köçürmələri 3 mlrd. manatdan çox azalıb

Sosial ödənişlər üçün 1 milyard 456 milyon manat ödənilib

Azərbaycanda pərakəndə ticarət dövriyyəsi 4%-ə qədər artıb

Azərbaycanda illik inflyasiya 1.3%-ə enib