2023-cü ilin yanvar-noyabr aylarında Azərbaycanda banklara sürətli pul köçürmə sistemləri vasitəsilə 2 milyard 267.4 milyon manat vəsait daxil olub. Azərbaycanda banklardan xaricə göndərilən vəsaitin həcmi isə 564.8 milyon manata bərabər olub.

“APA-Economics” Azərbaycan Mərkəzi Bankına istinadən xəbər verir ki, ötən ilin yanvar-noyabr aylarına nisbətən sürətli pul köçürmə sistemləri vasitəsi ilə banklara daxil olan vəsaitin həcmi 58% və ya 3 milyard 131.4 milyon manat, banklardan xaricə köçürmələr isə 38.2% və ya 349.7 milyon manat azalıb.

Qeyd edək ki, ötən ilin ilk 11 ayında Azərbaycanda banklara sürətli pul köçürmə sistemləri vasitəsi ilə 5 milyard 398.8 milyon manat daxil olub. Banklardan xaricə göndərilən vəsaitin həcmi isə 914.5 milyon manat təşkil edib.

Oxşar xəbərlər

İZİA sədri: Sənaye zonalarına 864 mln. manat investisiya planlaşdırılır

Türkiyənin ixracı ilin sonunadək 255 mlrd. dolları ötəcək

Gürcüstanın qaz idxalının 72%-i Azərbaycanın payına düşüb

"Unibank"ın kapitallaşma proqramı başa çatıb

Borrell: "Aİ ölkələri ABŞ-nin Qırmızı dənizdəki əməliyyatına qoşulacaq"