"Bakı Fond Birjası" QSC-nin (BFB) Listinq Məsləhət Proqramı (LMP) yenilənib.

"Report" bu barədə BFB-yə istinadən xəbər verir.

Məlumata görə, artıq Birjanın üzvü olan 9 investisiya şirkəti ("Assist Finance", "Capital Partners", "CPM-İnvest", "CFI Financial", "Xalq Kapital", "İnvest-AZ", "PAŞA Kapital", "PSG-Kapital" və "Unicapital") yeni proqrama qoşulublar.

"BFB-nin əsas məqsədi yerli kapital bazarının artımına təkan verməkdir. Bu istiqamətdə potensial emitentlərlə (qiymətli kağızları buraxmaq istəyən şirkət) danışıqlar aparan Birja ona üzv olan və LMP proqramına qoşulan investisiya şirkətləri ilə əməkdaşlıq edərək potensial emitentləri investisiya şirkətlərinə yönləndirir.

BFB kapital bazarının inkişafını, habelə onun şəffaflıq və obyektivliyini dəstəkləyən emitentləri və investisiya şirkətlərini LMP-də birləşdirir. Proqramın əsas məqsədi ölkə iqtisadiyyatının müxtəlif sektorlarında qiymətli kağız buraxmaq istəyən şirkətlərin Birjanın mövcud bazar seqmentlərinin tələblərinə cavab verəcək səviyyədə hazırlanmasına, maliyyə şəffaflığının təşviqi məqsədi ilə hesabatlılığın təmin edilməsinə, korporativ idarə etmənin təkmilləşdirilməsinə, kapital bazarlarından əlverişli şərtlərlə maliyyə vəsaitlərinin cəlb etməsinə dəstək verməkdir", - deyə məlumatda qeyd olunub.

Oxşar xəbərlər

“International” BOKT-un istiqrazları listinqə daxil edilib

Azərbaycan və BƏƏ-nin kapital bazarları arasında əməkdaşlıq əlaqəsi qurulub

Azərbaycanda "İnvestisiya şirkətinin davamlı kapital tələbləri haqqında Qaydalar" hazırlanıb

AFBİA: Kapital bazarında alət qıtlığı investorların marağının qarşısını alır