Martın 6-da "Bakı Hərrac Mərkəzi" MMC-də ləğv prosesində olan “Texnika Bank” ASC-nin, martın 13-də isə “Bank Standard” QSC-nin daşınmaz əmlaklarının satışı üzrə açıq hərraclar keçiriləcək.

"Report" xəbər verir ki, bu barədə Bankın ləğvedicisi - Əmanətlərin Sığortalanması Fondu (ƏSF) məlumat yayıb.

Söhbət “Texnika Bank”a məxsus Bakı şəhəri, Xətai rayonu, Babək prospekti, 12A ünvanındakı dəyəri 525 min manat olan 252,6 kv.metrlik, dəyəri 505 min manat olan 251,8 kv.metrlik, dəyəri 542 min manat olan 3 ədəd 270,9 kv.metrlik qeyri-yaşayış sahəsindən, eləcə də “Bank Standard”a məxsus Gəncə şəhəri, Nizami rayonu, Atatürk prospekti, 261 ünvanındakı dəyəri 450 min manat olan qeyri-yaşayış sahəsindən gedir. Beləliklə, hərraca çıxarılacaq əmlakların ümumi dəyəri 3,106 milyon manat təşkil edir.

Oxşar xəbərlər

Bakıda bank kartlarından 20 min manat oğurlayan şəxs saxlanılıb

ƏSF "Dəmir Bank"ın kreditorlarına müraciət edib

Azərbaycanda xaricilərin bank kartları ilə xərcləmələri 2 % artıb

Azərbaycanın bank sektorunun xalis mənfəəti 16 % artıb

"Muğan Bank"ın əmanətçilərinə şad xəbər!