Hesablama Palatası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun və İşsizlikdən Sığorta Fondunun 2025-ci il büdcələrinə rəy verib.

"Report" bu barədə Palataya istinadən xəbər verir.

Məlumata görə, qurumun sədri Vüqar Gülməmmədovun rəhbərliyi ilə növbəti Kollegiya iclası keçirilib. iclasda müvafiq qanun layihələrinə Palatanın Rəyləri müzakirə olunub.

Bildirilib ki, Rəylərin hazırlanmasında məqsəd büdcədənkənar dövlət fondlarının büdcələrinin gəlir və xərc istiqamətləri üzrə tərtib edilmiş proqnoz göstəricilərinin əsaslılığının və nəzərdə tutulan sosial-iqtisadi inkişafın məqsədləri ilə uyğunluğunun, büdcə layihələrinin tərtibi və təqdim edilməsi ilə bağlı qanunvericiliklə müəyyən edilmiş tələblərə əməl edilməsi vəziyyətinin qiymətləndirilməsindən ibarətdir.

Müzakirələrdə Rəylərin hər bölməsində əks olunan əsas məsələlərə, aparılmış qiymətləndirmələrin nəticələrinə, verilmiş tövsiyələrə diqqət yetirilib. Müzakirələrin nəticəsinə əsasən Rəylərin təsdiq olunması və Milli Məclisə göndərilməsi barədə qərar qəbul olunub.

Oxşar xəbərlər

Hesablama Palatası 2025-ci ilin büdcə layihələrinə dair rəylər hazırlayır

Hesablama Palatası Naxçıvanın Sosial Xidmətlər Agentliyində nöqsanlar aşkarlayıb

Hesablama Palatası iki ali təhsil müəssisəsində nöqsanlar aşkar edib

Hesablama Palatasının gələn ilin büdcəsi ilə bağlı rəyi Milli Məclisə göndərilib

Hesablama Palatası AMEA-nın İşlər İdarəsi ilə bağlı Baş Prokurorluğa müraciət edib