Hesablama Palatasınıın bu ilin I yarısında həyata keçirdiyi audit tədbirləri zamanı aşkarlanan və ən çox təkrarlanan maliyyə pozuntularını açıqlayıb.

“Sizinxeber.az” bu barədə Palataya istinadən xəbər verir.

Məlumata görə, pozuntular əsasən aşağıdakı sahələrdə müşahidə olunub:

- Büdcə vəsaitlərinin düzgün proqnozlaşdırılmaması nəticəsində onların təyinatının dəyişdirilməsi;

- Qurumların qanunvericiliklə müəyyən edilmiş funksiyalarına aid olmayan istiqamətlər üzrə vəsaitlərin xərclənməsi;

- Yanacaq və nəqliyyat normasına əməl edilməməsi, beynəlxalq tədbirlərdə artıq xərclərə yol verilməsi;

- “Dövlət satınalmaları haqqında” Qanunun tələblərinin pozulması – satınalma planlarının hazırlanması və icrasında nöqsanlar;

- Tender komissiyalarının fəaliyyəti zamanı şəffaflıq və rəqabət prinsiplərinə əməl olunmaması;

- Satınalma müqavilələrinin icrasında geriləmələr və aşağı icra göstəriciləri;

- Tikintisi başa çatmış obyektlərin vaxtında istismara verilməməsi nəticəsində mühasibat uçotunda qeyri-dəqiq əksolunmalar;

- Dövlət investisiyalarının idarə olunması zamanı normativ aktların düzgün tətbiq edilməməsi.

Hesablama Palatası bu pozuntularla bağlı məsul qurumlara təkliflər paketini təqdim edib və qanunvericilikdə dəyişikliklərin, o cümlədən dövlət satınalmalarının təkmilləşdirilməsinin vacibliyini vurğulayıb.

Oxşar xəbərlər

Hesablama Palatası ən çox təkrarlanan maliyyə pozuntularını açıqlayıb

Hesablama Palatası I yarımildə 65 milyon manatlıq maliyyə pozuntusu aşkarlayıb

Hesablama Palatası Minatəmizləmə Agentliyində maliyyə-idarəetmə pozuntuları aşkar edib

Hesablama Palatası: “Dövlət satınalmaları haqqında” yeni qanunun tətbiqində çətinliklər var