Avropa Yenidənqurma və İnkişaf Bankının (EBRD) Azərbaycandakı nümayəndəliyinin rəhbəri Natali Mouravidze ölkənin maliyyə qurumları ilə tərəfdaşlığın genişləndirilməsini vurğulayıb.

"Sizinxeber.az" xəbər verir ki, onun sözləri EBRD-nin Azərbaycan üzrə rüblük bülletenində yer alıb.

Bildirilib ki, bu, onların yerli biznesə kredit vermək və inklüziv iqtisadi artıma töhfə vermək imkanlarını gücləndirməyə yönəlib.

"Londonda keçirilən illik görüşümüzdə (2025-ci ilin mayında - red.) "Ölkənin investisiya perspektivləri" mövzusunda sessiyada iştirak etmək üçün Azərbaycan nümayəndə heyətini qəbul etməkdən məmnun olduq. Bu sessiya Azərbaycanın "yaşıl artım" və bağlantı üzrə regional mərkəz kimi artan rolunu vurğulayıb", - N.Mouravidze qeyd edib.

EBRD-nin Azərbaycandakı cari kredit portfeli mayın 31-nə 991 milyon avro məbləğində qiymətləndirilir.

Ümumilikdə EBRD Azərbaycanda 198 layihənin həyata keçirilməsinə 3,783 milyard avrodan çox investisiya yatırıb. Bankın kumulyativ ödənişləri 3,132 milyard avro təşkil edib.

Ötən il EBRD Azərbaycanda 8 layihənin maliyyələşdirilməsi üçün ümumilikdə 199 milyon avro məbləğində kredit ayırıb. Bu isə əvvəlki illə müqayisədə 27,56 % (43 milyon avro) çoxdur.

Oxşar xəbərlər

EBRD Azərbaycanda cari layihə portfelini yeniləyib

EBRD Azərbaycandakı layihələrin cari portfelini yeniləyib

EBRD Azərbaycandakı cari layihələr portfelini artırıb

EBRD 2022-ci ilin fevralından bəri Ukraynaya 7 milyard avro ayırıb

EBRD: Azərbaycanın yeni AZIR dərəcəsi modelinə keçidi ondan baza dərəcəsi kimi istifadə etməyə imkan verəcək