İpoteka və Kredit Zəmanət Fondu zəmanət verdiyi biznes kreditlərinin məbləğini açıqlayıb

Bu il iyulun 1-nə qədər İpoteka və Kredit Zəmanət Fondu sahibkarların aldığı 299,856 milyon manat kreditə zəmanət verib.

"Report" xəbər verir ki, bunu Fondun Kredit zəmanət departamentinin direktoru Elşən Kərimov bildirib.

Onun sözlərinə görə, bu kreditlərin 25 %-i təmir xidmətləri, topdan və pərakəndə ticarət, elm və təhsil sektoruna, 23 %-i emal sənayesinə, 22 %-i tikinti sənayesinə, 13%-i kənd təsərrüfatı, meşə və balıqçılıq sahəsinə, 3%-i turizm və ictimai iaşə sektoruna, 2 %-i nəqliyyat və anbar təsərrüfatına, 12 %-i isə digər sahələrdə xidmətlərin göstərilməsinə verilib.

Hazırda fond 17 müvəkkil bankla əməkdaşlıq edir.