Bu ilin l rübündə Azərbaycan Amerika Birləşmiş Ştatlarının (ABÇ) iqtisadiyyatına 14,7 milyon dollar birbaşa investisiya qoyub.

“Report” Azərbaycan Mərkəzi Bankına (AMB) istinadən xəbər verir ki, bu, ötən ilin eyni dövrü ilə müqayisədə 2 dəfə çoxdur.

Hesabat dövründə Azərbaycanın ABŞ iqtisadiyyatına investisiya qoyuluşunun ümumi investisiyalarda payı 2,2 %-dən 4,7 %-ə çatıb.

Rüb ərzində ABŞ isə Azərbaycan iqtisadiyyatına 42,3 milyon dollar birbaşa investisiya yatırıb. Bu, 1 il əvvələ nisbətən 31,1 % çoxdur.

Hesabat dövründə ABŞ-in Azərbaycanın iqtisadiyyatına investisiya qoyuluşunun ümumi investisiyalarda payı 2,1 %-dan 2,8 %-a çatıb.

Xatırladaq ki, yanvar-mart aylarında Azərbaycandan xaricə yönəldilmiş birbaşa investisiyalar 315,1 milyon ABŞ dolları (ötən ilin eyni dövrü ilə müqayisədə 4,6 % az), ölkəyə xaricdən cəlb edilmiş birbaşa investisiyalar isə 1 milyard 519 milyon ABŞ dolları (0,7 % çox) təşkil edib.

Oxşar xəbərlər

Azərbaycan və BƏƏ qarşılıqlı investisiya qoyuluşunu 5 dəfədən çox artırıb

Türkiyə Azərbaycana investisiya qoyuluşunu 4 %-dən çox artırıb

Azərbaycan Rusiyaya investisiya qoyuluşunu 18 % azaldıb

Böyük Britaniya Azərbaycana investisiya qoyuluşunu 5 %-ə yaxın azaldıb

Azərbaycan I rübdə Gürcüstana birbaşa investisiyaları iki dəfəyədək artırıb