Tbilisi ilə Bakı arasında sərnişin qatarlarının hərəkətinin bərpası istiqamətində intensiv danışıqlar aparılır.

“Report”un Gürcüstan bürosunun məlumatına görə, bu barədə “Gürcüstan Dəmir Yolları” BMG media platformasına açıqlama verib.

Bildirilib ki, hazırda həm Gürcüstan, həm də Azərbaycan tərəfi sərnişin daşımalarının bərpası ilə bağlı aktiv şəkildə çalışır:

“Bu istiqamətdə dəmir yolu idarələri və digər aidiyyəti dövlət qurumları arasında danışıqlar və texniki detallarla bağlı razılaşma prosesi davam edir. Dəqiq tarix daha sonra açıqlanacaq”.

Qeyd edək ki, pandemiya dövründə dayandırılan Tbilisi–Bakı sərnişin qatarlarının hərəkəti hələ də tam şəkildə bərpa olunmayıb.

Oxşar xəbərlər

Gürcüstan Dəmir Yolları Azərbaycanla sərnişindaşımaların bərpası məsələsinə münasibət bildirib

"Gürcüstan Dəmir Yolları" sərnişin reyslərini ləğv edib

BTQ-nin Gürcüstan hissəsinin modernləşdirilməsi bu il başa çatacaq

ADY: Bu il Çindən Orta Dəhlizlə 300-dən çox qatarın göndərilməsi gözlənilir

ADY: Sərnişin qatarlarının hərəkətində gecikmə qeydə alınmayıb