“Cathey Pasific” aviaşirkətinin Honq Konq – London marşrutu üzrə uçuş yerinə yetirən hava gəmisinin kapitanı Heydər Əliyev Beynəlxalq Aeroportuna məcburi eniş sorğusu göndərib.

Bu barədə "Sizinxeber.az" aeroporta istinadən xəbər verir. Buna səbəb sərnişinlərdən birinin səhhətinin pisləşməsi olub.

Heydər Əliyev Beynəlxalq Aeroportundan bildirilib ki, “Airbus A350” təyyarəsi yerli vaxtla saat 19:08-də hava limanına uğurla eniş edib.

Sərnişinə operativ şəkildə ilkin tibbi yardım göstərilib, vəziyyəti qiymətləndirildikdən sonra o, dərhal tibbi müəssisəyə çatdırılıb.

Qeyd olunub ki, fövqəladə hallara operativ reaksiya göstərmək və sərnişinlərin, ekipaj üzvlərinin təhlükəsizliyini təmin etmək məqsədilə Heydər Əliyev Beynəlxalq Aeroportunda mütəmadi hazırlıq təlimləri keçirilir.

Oxşar xəbərlər

Moskvadan Dubaya uçan təyyarə Bakıya məcburi eniş edib

Moskva– Dubay marşrutu üzrə hərəkət edən təyyarə Bakı Aeroportuna məcburi eniş edib

Hindistandan Almaniyaya uçan təyyarə Heydər Əliyev Aeroportuna təcili eniş edib

Moskva-Şarja reysini həyata keçirən təyyarə Bakı aeroportuna məcburi eniş edib

Özbəkistana məxsus təyyarə Bakıya təcili eniş edib