“Azərbaycan Dəmir Yolları” QSC (ADY) Beynəlxalq Maliyyə Korporasiyası (IFC) ilə vaqon parkının genişləndirilməsi, yeni maliyyələşdirmə üsullarının tətbiqi sahəsində əməkdaşlıq məsələləri müzakirə edib.

"Report" ADY-yə istinadən xəbər verir ki, bununla bağlı müzakirələr “Azərbaycan Dəmir Yolları”nın sədr müavini Arif Ağayevin IFC-nin Avropa, Latın Amerikası və Karib hövzəsi üzrə regional infrastruktur və enerji meneceri Kamila Rodrigez və digər rəsmiləri ilə keçirdiyi görüşdə aparılıb.

IFC-nin dəmiryol infrastrukturunun inkişafı üzrə bir sıra iri layihələrə dəstəyi nəzərə alınaraq bu istiqamətdə də tərəfdaşlıq imkanları nəzərdən keçirilib.

A. Ağayev ADY-nin vaqon parkını genişləndirilməsi və modernləşdirilməsi üçün son illərdə gördüyü işlərdən, o cümlədən müasir elektrik qatar və lokomotivlərinin alınması və daxili resurslar hesabına həyata keçirilən layihələrin icrasından danışıb.

Oxşar xəbərlər

ADY sədrinin yeni müavini təyin edilib

“Azərbaycan Dəmir Yolları” “Global Rail” tədbirində təmsil olunub

ADY sədri COP29 çərçivəsində dəmir yollarında etibarlı həllər mövzusunda panel müzakirələrində iştirak edib - FOTO

Azərbaycanda dəmir yolları ilə yükdaşıma azalıb, sərnişindaşıma isə artıb

OSJD prezidenti: "Orta Dəhliz Asiya ilə Avropa arasında yükdaşımaların sürətləndirilməsi üçün strateji əhəmiyyət daşıyır" - EKSKLÜZİV