Cənub Muğan kanalının daha bir hissəsi beton üzlüyə alınıb 

Biləsuvarda Cənub Muğan kanalının 2 min metrdən çox hissəsi beton üzlüyə alınıb.

Bu barədə "Sizinxeber.az"un Muğan bürosuna Biləsuvar Rayon Suvarma Sistemləri İdarəsindən məlumat verilib.

Bildirilib ki, Cənub Muğan kanalının su götürən hissəsində əvvəlki illərdə 2 070 metr hissə betonlanıb.

Cari ildə isə daha 700 metrlik sahədə bu işlərin görülməsi nəzərdə tutulub.

Qeyd edək ki, suvarma işləri ümumi uzunluğu 1 961 km olan kanallar vasitəsilə yerinə yetirilir. Bu kanalların 71,8 kilometri magistral kanallardır.