Azərbaycan həm enerji təminatçısı, həm də Mərkəzi Asiyanı Avropaya bağlayan körpü olmaq potensialına malikdir.

“Report” xəbər verir ki, bunu ABŞ Dövlət Departamentinin Enerji Resursları İdarəsinin baş müşaviri Erik Ceykobs Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.

“Bu gün ixtiraçılıq və ambisiyanın nümunəsi olan Cənub Qaz Dəhlizi layihəsinin qeyd olunmasında iştirak etmək bizim üçün böyük qürur mənbəyidir. Layihə Azərbaycanın enerji bolluğunu yalnız ölkənin deyil, bütün regionun rifahı üçün istifadəyə imkan verir. Azərbaycan artıq onlarla ölkəyə etibarlı təchizatçıya çevrilib”, - o bildirib.

Onun sözlərinə görə, Birləşmiş Ştatlar kimi, Azərbaycan da böyük enerji ehtiyatlarına malikdir: “Prezident Tramp enerjini Amerikanın üstünlüyünün təməli və təhlükəsizliyinin açarı kimi qiymətləndirib. Ölkənizin enerji bolluğundan iqtisadi imkanlar yaratmaq, səhiyyə və təhsili yaxşılaşdırmaq, vətəndaşların həyatını inkişaf etdirmək hər bir yaxşı hökumətin öhdəliyidir”.

E.Ceykobs vurğulayıb ki, təbii qaz hər bir ölkə üçün etibarlı, əlçatan və təhlükəsiz enerji mənbəyidir və bu, gələcək onilliklərdə də belə qalacaq: “Seçim yanacağı olan təbii qaz, artan qlobal enerji tələbatını qarşılamaq üçün vacibdir. Bir neçə gün əvvəl Səngəçal ixrac terminalını ziyarət etdim. Görünür ki, Azərbaycan təbii qazın ölkənin, Avropanın və bütün dünyanın gələcəyi üçün əsas enerji mənbəyi olduğunu heç vaxt unutmayıb”.

Oxşar xəbərlər

Alparslan Bayraktar: “Cənub Qaz Dəhlizinin potensialından tam istifadə edilməsinə hazırıq”

SGC Məşvərət Şurası çərçivəsində əməkdaşlıq üzrə sənədlər imzalanacaq

ABŞ Dövlət Departamentinin Enerji Resursları Bürosunun baş məsləhətçisi Azərbaycana gəlib

Dövlət Departamentinin baş müşaviri: Tramp Bakı və İrəvan arasında sülhün imzalanmasını gözləyir

Prezident İlham Əliyev Türkiyənin enerji və təbii sərvətlər nazirini qəbul edib