2024-cü ildə Gürcüstan Azərbaycandan 10,97 milyon dollara elektrik enerjisi alıb ki, bu da qonşu ölkənin ümumi idxalının təxminən 47 %-ni təşkil edib.

“Sizinxeber.az” bu barədə Gürcüstanın Milli Statistika Xidmətinin məlumatlarına istinadən xəbər verir.

Məlumata görə, ötən il rəsmi Tbilisi 23,4 milyon dollardan çox dəyərində 1,2 milyon kVt/saatdan artıq elektrik enerjisi idxal edib.

Azərbaycan Gürcüstana elektrik enerjisi ixrac edən ikinci ölkə olub, Bakının payı 10,97 milyon dollar və ya ümumi idxalın təxminən 47 %-ni təşkil edib.

Siyahıya 12,3 milyon dollarla Rusiya başçılıq edir. Ötən illə müqayisədə bu rəqəm 13,7 dəfə artıb. İlk üçlüyü Türkiyə tamamlayıb (80,04 min dollar).

Eyni zamanda, Ankara Tbilisidən bu enerji resursunun idxalında mütləq lider olub. 2024-cü ildə Gürcüstan 49 milyon dollardan çox (Türkiyənin payı 40,2 milyon dollar olub) dəyərində 1,1 kVt/saatdan çox elektrik enerjisi ixrac edib.

Oxşar xəbərlər

Azərbaycan Gürcüstandan təqribən 2,6 milyon dollar dəyərində elektrik enerjisi alıb

Rusiya 2024-cü ildə Gürcüstandan rekord məbləğdə şərab idxal edib

Azərbaycanın ümumi elektrik enerjisi istehsalı gücü 8,4 min MVt-ı ötüb

Azərbaycanın Gürcüstanla ticarət dövriyyəsi ötən il 1,3 milyard dolları ötüb