Azərbaycan qazının Trans-Anadolu Qaz Boru Kəməri (TANAP) vasitəsilə Türkiyə və Avropaya nəqlinin ümumi həcmi 75 milyard kubmetrə çatıb.

“Report” bu barədə TANAP konsorsiuma istinadən xəbər verir.

"Bu günə qədər Cənub Qaz Dəhlizinin əsas komponenti olan TANAP vasitəsilə nəql edilən qazın ümumi həcmi tədarüklərin başlanğıcından bəri 75 milyard kubmetr təşkil edib. Türkiyə və Azərbaycan qardaşlığının rəmzi olan TANAP ilə qaz tədarükü fasiləsiz davam edir", - konsorsium bildirir.

Xatırladaq ki, 2019-cu il noyabrın 30-da Türkiyənin Ədirnə vilayətinin İpsala qəsəbəsində TANAP-ın Avropa ilə birləşən hissəsinin açılış mərasimi keçirilib. Cənub Qaz Dəhlizinin əsas seqmenti sayılan 1 850 kilometr uzunluğunda olan TANAP Türkiyə ərazisindən keçərək “Şahdəniz-2” yatağından çıxarılan qazı Türkiyə və Avropa istehlakçılarına çatdırır.

Onun maksimum illik ötürücülük qabiliyyəti 31 milyard kubmetr təşkil edir.

Oxşar xəbərlər

TANAP ilə nəql edilən Azərbaycan qazının həcmi açıqlanıb

Bu il Azərbaycan Avropaya qaz ixracını 10 %-dən çox artırıb

Bu il Azərbaycandan Avropaya 12 milyard kubmetrə yaxın qaz ixrac olunub

Azərbaycandan Avropaya 9 milyard kubmetrdən çox qaz ixrac olunub

Bu il Azərbaycan 22 milyon tondan çox neft-kondensat ixrac edib