Bakının Yasamal, Nizami və Xəzər rayonlarının bir sıra ərazilərində bu gün elektrik enerjisinin verilişində fasilə yaranacaq .

Bu barədə "Sizinxeber.az" "Azərişıq" ASC-yə istinadən xəbər verir.

Məlumata görə, Yasamal, Nizami və Xəzər Rayon Enerji Təchizatı və Satışı İdarələrinin (RETSİ) ərazilərində təmir və yenidənqurma işləri aparılacaq.

Transformator Məntəqəsində (TM) həyata keçirilən təmir işi ilə əlaqədar saat 10:00-dan 13:00-dək Yasamal rayonu Məhəmməd Naxçıvani, Fuad İbrahimbəyov, İbrahim Əbilov, Abdulla Şaiq küçələrinin bir hissəsində elektrik enerjsinin verilişində məhdudiyyət yaranacaq.

Həmçinin eyni saatlarda Nizami rayonunda 2 TM-də görüləcək təmir-təftiş işləri zamanı enerji fasiləsi Keşlə qəsəbəsi, Qara Qarayev prospekti və Əli Vəliyev küçəsinin bəzi ərazilərini əhatə edəcək.

Xəzər RETSİ ərazisində 35/6 kV-luq 459 saylı yarımstansiyadan qidalanan 6 kV-luq elektrik xətlərində naqillərin yenilənməsi ilə əlaqədar saat 10:00-dan 15:00-dək Mərdəkan qəsəbəsi Mirzə Ələkbər Sabir, Məmməd Səid Ordubadi, Ramin Qasımov küçələrində elektrik enerjisinin verilişi dayandırılacaq.

Yenidənqurma və təmir işləri yekunlaşdıqdan sonra həmin ərazilər daha keyfiyyətli elektrik enerjisi ilə təmin olunacaq.

Oxşar xəbərlər

Bakının bəzi ərazilərində elektrik enerjisinin verilişində fasilə yaranacaq

Paytaxtın üç rayonunun elektrik xəttlərində yenidənqurma işləri aparılacaq

Hövsan və Şüvəlan qəsəbələrində işıq olmayacaq

Bakı və Sumqayıtın bəzi ərazilərində işıqlar sönəcək - SİYAHI

Bu gün Şağan qəsəbəsində işıq olmayacaq