Azərbaycanda “Maşın və avadanlıqların təhlükəsizliyi haqqında” texniki reqlament layihəsi ictimai müzakirəyə çıxarılıb.

"Sizinxeber.az" xəbər verir ki, bu barədə Prezident yanında Antiinhisar və İstehlak Bazarlarına Nəzarət Dövlət Agentliyi məlumat yayıb.

Qeyd olunub ki, ictimai müzakirə başa çatdıqdan sonra texniki reqlament layihəsinin təsdiq üçün Nazirlər Kabinetinə təqdim olunması nəzərdə tutulur.

Qeyd edək ki, bu reqlament istehlak bazarında maşın və avadanlıqlarla bağlı hazırlanma (layihələndirilmə), istehsal, montaj, sazlanma, istismar, saxlanma, daşınma, satış və utilizasiya zamanı tətbiqi və icrası məcburi olan vahid tələblərin müəyyən edilməsi, istehlak bazarında dövriyyəyə buraxılan maşın və avadanlıqların sərbəst dövriyyəsinin təmin edilməsi məqsədilə hazırlanıb.

Bu sənəd “Texniki tənzimləmə haqqında” qanuna uyğun olaraq maşın və avadanlıqların təhlükəsizliyinin təmin edilməsi və onların istehlak bazarında sərbəst dövriyyəsinə dair tələbləri müəyyən edir.

Oxşar xəbərlər

Azərbaycanda maşın və avadanlıqların təhlükəsizliyinə və sərbəst dövriyyəsinə dair tələblər müəyyən edilib

Azərbaycanda uşaqlarla bağlı texniki reqlament layihələri hazırlanıb

Azərbaycanda sürtkü materialları ilə bağlı texniki reqlament layihəsi hazırlanıb

Uşaq oyun meydançaları ilə bağlı texniki reqlament təsdiq ediləcək

Azərbaycanda sürtkü materialları ilə bağlı texniki reqlament təsdiq ediləcək