“Sürtkü materialları, yağları və xüsusi mayelərə dair tələblər haqqında texniki reqlament” üzrə layihə ictimai müzakirəyə çıxarılıb.

“APA-Economics” bu barədə Antiinhisar və İstehlak Bazarlarına Nəzarət Dövlət Agentliyinə istinadən xəbər verir.

Məlumata görə, ictimai müzakirə bitdikdən sonra layihə təsdiq edilməsi üçün Nazirlər Kabinetinə təqdim ediləcək.

Qeyd edək ki, “Sürtkü materialları, yağları və xüsusi mayelərə dair tələblər haqqında texniki reqlament” “Texniki tənzimləmə haqqında” Azərbaycan Respublikasının Qanununun 7-ci maddəsinə uyğun olaraq hazırlanıb və sürtkü materialları, yağları və xüsusi mayelərə, işlənmiş sürtkü materialları, yağları və xüsusi mayelərə, məhsulun həyat dövranının mərhələlərində işlənmiş məhsulun emalı (utilizasiyası) nəticəsində əldə olunmuş, Azərbaycan Respublikası ərazisində dövriyyəyə buraxılmış məhsullara dair tətbiqi və icrası məcburi olan tələblərin müəyyən edilməsi məqsədilə hazırlanıb.

Oxşar xəbərlər

Uşaq oyun meydançaları ilə bağlı texniki reqlament təsdiq ediləcək

Azərbaycanda tikinti materiallarının təhlükəsizliyi haqqında milli texniki reqlament hazırlanır

Milli Məclisin növbəti iclasının vaxtı və gündəliyi məlum olub