Azərbaycan Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Standartlaşdırma İnstitutu (AZSTAND) tərəfindən AZS ISO TS 22317:2026 "Təhlükəsizlik və davamlılıq. İş fəaliyyətinin (biznesin) davamlılığını idarəetmə sistemləri. İş fəaliyyətinə (biznesə) təsirin təhlili üzrə təlimatlar" yeni dövlət standartı qəbul edilib.

"Sizinxeber.az" bu barədə AZSTAND-a istinadən xəbər verir.

Bildirilib ki, yeni standartın tətbiqi müəssisə və təşkilatlarda biznes fəaliyyətinə təsirin sistemli və hərtərəfli təhlilini təmin etməklə kritik iş proseslərinin asanlıqla müəyyənləşdirilməsinə, potensial risklərin dəqiq qiymətləndirilməsinə və iş davamlılığının daha səmərəli və effektiv idarə olunmasına mühüm töhfə verəcək.

Sözügedən dövlət standartı AZSTAND-ın təsis etdiyi "Uyğunluğun qiymətləndirilməsi" standartlaşdırma üzrə Texniki Komitədə (AZSTAND/TK 08) qəbul edilərək Standartlaşdırma üzrə normativ sənədlərin Dövlət Fonduna daxil edilib.

Oxşar xəbərlər

Azərbaycanda rüşvətxorluğa qarşı yeni dövlət standartı qəbul edilib

Azərbaycanda süni İntellekt sahəsində yeni dövlət standartı qəbul edilib

Azərbaycanda distant təhsil xidməti üzrə yeni dövlət standartı qəbul edilib

Azərbaycan “Yaşıl biznesin idarəedilməsi sistemləri” yeni dövlət standartını qəbul edib