İtaliyanın Kaorle şəhərində U-20 Avropa çempionatı davam edir.

APA xəbər verir ki, beşinci yarış günündə qadın güləşi üzrə mübarizəyə yekun vurulub.

Ruzanna Məmmədova (62 kiloqram) finalda almaniyalı Leoni Steyqertlə qarşılaşıb. Gərgin mübarizə şəraitində keçən görüşdə 4:3 hesablı qələbə qazanan Ruzanna ardıcıl ikinci dəfə gənclər arasında Avropa çempionu olub.

Zəhra Kərimzadə (72 kiloqram) təsəlliverici görüşdə xorvatiyalı Veronika Vilkə 2:8 hesabı ilə məğlub olub.

Beləliklə, qadın millimiz qitə birinciliyini 2 qızıl medalla başa vurub. Xatırladaq ki, ötən gün Günay Qurbanova (59 kiloqram) Avropa çempionu olub.

Oxşar xəbərlər

Ruzanna Məmmədova Avropa çempionu olub

Azərbaycan güləş millisi dördüncü dəfə Avropa çempionu olub

Günay Qurbanova yenidən Avropa çempionu olub

Azərbaycan cüdo yığması Avropa Kubokunu 7 medalla başa vurub

Azərbaycan daha iki cüdoçusu Avropa çempionu olub - YENİLƏNİB