ABŞ Prezidenti Donald Tramp bildirib ki, Çin lideri Si Cinpinlə danışıqlardan sonra o hələ də Tayvanla 14 milyard dollar dəyərində silah müqaviləsinə razılıq verməyib.

"Report" xəbər verir ki, Ağ Evin rəhbəri bu barədə "Fox News" telekanalına müsahibəsində danışıb.

"Hazırda mən bunu təsdiq etməmişəm. Hadisələrin inkişafını izləyəcəyik. Mən buna gedə də, imtina da edə bilərəm", - Tramp bildirib.

O həmçinin Si Cinpinin Yaxın Şərq böhranının tənzimlənməsində kömək göstərməyə hazır olması barədə öz fikirlərini də şərh edib.

"Mən həmçinin bildirdim ki, bizim yardıma ehtiyacımız yoxdur. [Mən] belə bir xahişlə müraciət etməmişəm", - Ağ Evin sahibi baş verənlərlə bağlı öz şərhini çatdırıb.

Xatırladaq ki, Donald Tramp və Si Cinpin mayın 14-də Pekində görüş keçiriblər.

Oxşar xəbərlər

Kerolayn Levitt: Donald Tramp və Si Cinpinin görüşü təxirə salına bilər

Putinlə görüşməyə hazır olan Tramp Kiyevə silah tədarükünü dayandırmağı düşünür

Tramp: Avropa İttifaqı ABŞ-dan 750 milyard dollar dəyərində enerji resursları alacaq

Tramp Çinə səfər dəvəti alıb

Tramp Si Cinpini ABŞ-yə səfərə dəvət edib