Ağ Ev lideri Donald Trampın administrasiyası ABŞ məhkəməsindən tətbiq etdiyi qlobal tariflərə qarşı qərarın müvəqqəti olaraq dayandırılmasını istəyib.

"Sizinxeber.az"un "Reuters"ə istinadən verdiyi məlumata görə, müvafiq ərizə bir gün əvvəl, mayın 11-də təqdim edilib.

Söhbət Tramp administrasiyası tərəfindən idxal mallarına tətbiq edilən 10% universal tarifdən gedir. Federal hökumət məhkəmədən apelyasiya şikayəti verilənə qədər tarif mexanizmini dayandırmağı xahiş edib.

Beləliklə, ABŞ hakimiyyəti mübahisəli rüsumların tətbiqini məhdudlaşdıra və ya ləğv edə biləcək məhkəmə qərarının dərhal qüvvəyə minməsinin qarşısını almaq niyyətindədir.

Qeyd olunur ki, tarif siyasəti Tramp administrasiyasının iqtisadi strategiyasının əsas alətlərindən biri olaraq qalır və həm ABŞ daxilində, həm də Vaşinqtonun ticarət tərəfdaşları arasında ciddi fikir ayrılıqlarına səbəb olur.

Oxşar xəbərlər

Tramp Çinə ticarət rüsumlarını 125 %-ə qaldırıb

Tramp Çini əlavə 50 %-lik rüsumlarla hədələyib

Tramp xarici məhsullara rüsumların tətbiqində istisnalara yol verib

Tramp Koreya və Yaponiyanın bütün mallarına 25 % rüsum tətbiq edib

Tramp administrasiyası toplanmış 159 milyard dollar rüsumu şirkətlərə qaytarmalı olacaq