Braziliyanın şimal-şərqindəki Pernambuku ştatında güclü yağışlar nəticəsində baş verən daşqınlar və torpaq sürüşmələri nəticəsində ən azı dörd nəfər ölüb, onlarla insan yaralanıb.

"Report" xəbər verir ki, bu barədə "CNN Brasil" məlumat yayıb.

Ən çətin vəziyyət bölgənin paytaxtı Resifa şəhəri və onun ətraf ərazilərində yaranıb.

Güclü yağışlar dağlıq ərazilərdə torpaq sürüşmələrinə, yaşayış binalarının uçmasına və magistral yolların su altında qalmasına səbəb olub. İndiyə qədər dörd ölüm hadisəsi qeydə alınıb, yaralıların dəqiq sayı müəyyənləşdirilir.

Telekanalın məlumatına görə, yerli xəstəxanalar gücləndirilmiş iş rejimində işləyir və müxtəlif dərəcəli xəsarət alanlara yardım göstərir. Ən çox zərər çəkmiş ərazilərdə yanğınsöndürmə bölmələri və mülki müdafiə xidmətləri də daxil olmaqla axtarış-xilasetmə əməliyyatları davam edir. Xilasedicilər həmçinin yüksək riskli ərazilərdən sakinləri təxliyə edirlər.

Oxşar xəbərlər

Cənubi Koreyada daşqınlar nəticəsində dörd nəfər həlak olub, 5 mindən çox insan təxliyə edilib

Braziliyada torpaq sürüşməsi nəticəsində 9 nəfər ölüb

ABŞ-də daşqınlar nəticəsində 13 nəfər ölüb

ABŞ-də daşqınlar nəticəsində ölənlərin sayı 24-ə çatıb - YENİLƏNİB

Pakistanda daşqın və torpaq sürüşmələri qurbanlarının sayı 351 nəfərə çatıb – YENİLƏNİB-2