Ukraynanın xarici işlər naziri Andrey Sibiqa Kiyev və Vaşinqtonun diplomatik xəttinin ən çətin dövrünün artıq arxada qaldığını bildirib.

"Report" "İnterfaks-Ukrayna"ya istinadən xəbər verir ki, bu barədə o Antalya Diplomatiya Forumunda bildirib.

"Münasibətlərimizin və ya diplomatik ikitərəfli xəttimizin ən çətin dövrü arxadadır. Biz bu istiqaməti lazımi şəkildə, çox praqmatik olaraq, bir-birimizin mövqelərinə hörmətlə tənzimləyə bildik və Ukraynanın həqiqətən də üstünlükləri var. Bu, reallıqdır", – Sibiqa deyib.

O, bir daha vurğulayıb ki, Ukrayna ədalətli və hərtərəfli sülhün yaxınlaşdırılması üzrə ABŞ-nin səylərini alqışlayır.

"Mənim şəxsi qiymətləndirməm ondan ibarətdir ki, ABŞ olmadan, Donald Trampın dəstəyi olmadan ədalətli və hərtərəfli sülhə nail olmaq qeyri-mümkündür. Bu, qeyri-mümkündür. Buna görə də bizə ABŞ-nin iştirakı lazımdır və biz onların sülh səylərini alqışlayırıq", – Sibiqa qeyd edib.

Oxşar xəbərlər

Andrey Sibiqa: Rusiya Ukraynaya kütləvi hücumlara hazırlaşır

Andrey Sibiqa: Ukraynaya daha 20 ədəd yeni HHM sistemi lazımdır

Andrey Sibiqa: Ukrayna bu il Rusiya ilə münaqişəyə son qoymaqda maraqlıdır

Ukrayna XİN başçısı Avropa diplomatiyasının rəhbəri ilə nizamlanma məsələlərini müzakirə edib

Ukrayna ərazilərinin bir hissəsini Rusiyaya vermək məsələsini nəzərdən keçirmir