Serbiyanın "Srbijagas" təbii qaz təchizatçısı aprelin 11-dən etibarən qaz paylayıcı şəbəkəyə qoşulmaq üçün ödənişi 200 avro artıracağını açıqlayıb.

"Report"un Balkan bürosu xəbər verir ki, qurumun mətbuata açıqlamasında əhali üçün yeni qoşulmanın qiymətinin 980 avro təşkil edəcəyi bildirilib.

Qeyd olunub ki, qiymət son 5 ildə artırılmayıb və "Srbijagas" bu kommersiya qərarını bazarda avadanlıq və işlərin qiymətlərində baş verən əhəmiyyətli dəyişikliklər səbəbindən qəbul edib:

"Şirkət indiyədək materialların, avadanlığın, işlərin icrasının və bir çox digər xərclərin artımını öz vəsaitləri hesabına qarşılayıb. Lakin hazırda fəaliyyət göstərdiyi şəraitdə, enerji bazarında çoxsaylı çağırışlarla üzləşdiyi üçün qaz şəbəkəsinə qoşulma qiymətinin artırılması yeganə və qaçılmaz həll yolu olub".

Qeyd edək ki, Serbiya Statistika İdarəsinin məlumatına görə, yanvar ayında ölkə üzrə orta aylıq əməkhaqqı təxminən 118 000 dinar və ya təxminən 1 000 avro olub.

Oxşar xəbərlər

Azərbaycanda ilk dəfə su-kanalizasiya sistemlərinə qoşulma üçün tariflər təsdiq edilib

Bakıda orta əməkhaqqı 9 %-dən çox artıb

4 nəfərlik ailəyə nə qədər pul lazımdır?

ING 2025-ci il üçün qazın qiyməti üzrə proqnozunu yenidən nəzərdən keçirib