Ölkədə maaşlar bölgələr üzrə kəskin fərqlənir.

Sizinxeber.Az oxu.az-a istinadən xəbər verir ki, Xankəndidə orta aylıq əməkhaqqı 1 771, Bakıda 1 258 manat olsa da, Qaxda bu göstərici 532 manatdır.

Bununla belə, 2024-cü ildə yaşayış minimumu ölkə üzrə 270 manatdır.

Bu göstəriciyə əsasən, minimum yaşayış səviyyəsi üçün ay ərzində əməkqabiliyyətli şəxslərə 287, uşaqlara 235, dörd nəfərdən ibarət ailə üçün isə minimum 1 044 manat pul lazımdır.

İqtisadçı Rəşad Həsənov bildirib ki, hökumətin əsas hədəflərindən biri minimum əməkhaqqı səviyyəsinin orta aylıq əməkhaqqı səviyyəsinə çatdırılması istiqamətində idi:

"Bu da təxminən hazırkı dövr üçün 600-650 manat olması anlamına gəlirdi. Amma hələlik bu göstəriciyə nail olmaq mümkün olmayıb".

Ekspert, həmçinin yaşayış minimumu göstəricisinin müəyyən olunmasında nöqsanlar olduğunu deyir. O hesab edir ki, bu göstərici əməkqabiliyyətli əhali üçün 400-450 manatdır. Lakin rəsmi göstəriciyə əsaslandıqda belə ölkədə minimum əməkhaqqı 600 manat təşkil etməlidir.

Qeyd edək ki, hazırda minimum əməkhaqqı 345 manatdır. 2025-ci ildə isə bu rəqəmin 400 manata çatdırılması nəzərdə tutulur.

Oxşar xəbərlər

Minimum əməkhaqqı artırılmadı: Ayda 345 manatla dolanmaq olar?

Azərbaycanda gələn il də minimum əməkhaqqı 345 manat olacaq

Bakıda yaşamaq üçün aylıq nə qədər pul lazımdır? - VİDEO

Bakıda orta əməkhaqqı 7 %-dən çox artıb

Prezident gələn il üçün yaşayış minimumunu təsdiqləyib