İranın xarici işlər naziri Abbas Əraqçi ölkənin ali lideri Müctəba Xameneinin ABŞ ilə potensial razılaşma barədə danışıqların aparılmasını təsdiqlədiyi barədə ABŞ Prezidentinin xüsusi nümayəndəsi Stiv Uitkoffu gizli şəkildə məlumatlandırıb.

"Report" xəbər verir ki, bu barədə İsrail KİV-ləri mənbələrə istinadən məlumat yayıb.

Onların məlumatına görə, yeni ali lider müharibəni İranın şərtləri ilə başa çatdırmağa razılaşıb.

Xatırladaq ki, ABŞ və İsrail fevralın 28-də İrana qarşı hərbi əməliyyata başlayaraq respublikanın şəhərlərinə hava zərbələri endirib. İran da cavab olaraq İsrail ərazisinə raketlər buraxıb. Bundan əlavə, İran qüvvələri ABŞ-nin Fars körfəzi ölkələrində yerləşən hərbi bazalarına hücum edib. Yaxın Şərqdəki vəziyyətlə əlaqədar regionun bəzi ölkələri hava məkanını müvəqqəti bağlayıb. Həmin gün İranın ali dini rəhbəri Əli Xamenei ABŞ və İsrailin hücumları nəticəsində öldürülüb.

Oxşar xəbərlər

Kaya Kallasla Abbas Əraqçi regional və qlobal təhlükəsizliyi müzakirə ediblər

İran və Omanın XİN rəhbərləri bölgədəki gərginliyi müzakirə ediblər

İsmayıl Bəqai: İranın hər yerində çox sayda insan öldürülüb

İran müharibə başlayandan İsrail və ABŞ-nin 127 dronunu zərərsizləşdirib

Makron Pezeşkianla telefon danışığının detallarını açıqlayıb