Rusiyanın Yekaterinburq şəhərində ümummilli lider Heydər Əliyevin anadan olmasının 102-ci ildönümünə həsr olunmuş tədbir baş tutub.

“Sizinxeber.az” xəbər verir ki, bu barədə Azərbaycanın Yekaterinqburdakı baş konsulluğunun mətbuat xidməti məlumat yayıb.

“Mayın 7-də “Yekaterinburq” Kitabxana Mərkəzində Azərbaycanın Yekaterinburqdakı Baş Konsulluğunun təşkilatçılığı ilə ümumilli lider Heydər Əliyevin anadan olmasının 102-ci ildönümünə həsr olunmuş fotosərgi və tədbir keçirilib”, – diplomatik missiyanın məlumatında bildirilib.

Mərasimdə baş konsulluğun əməkdaşları, yerli diaspor nümayəndələri, həmçinin şəhərdə yaşayan və təhsil alan tələbələr iştirak ediblər.

“Tədbirdə baş konsul v.i.e Şöhrət Mustafayev, “Azərbaycan-Ural” İctimai Milli-Mədəni Təşkilatının sədri Şahin Şıxlinski, Rusiyanın Azərbaycanlı Gənclər Təşkilatının Sverdlovsk vilayəti üzrə nümayəndəliyinin təmsilçisi Fəridə Boyliyeva, Ural Federal Universitetinin IV kurs tələbəsi Mütəllim Umudov çıxış edərək ümummilli liderin şərəfli ömür yolundan, diaspora, təhsil və gənclər siyasətindən ətraflı bəhs ediblər”, – mətbuat xidməti diqqətə çatdırıb.

Bildirilib ki, tədbir “Heydər Əliyev 100 Xatirələrdə yaşayan...” sənədli filmin nümayişi ilə davam edib.

Qeyd olunub ki, lentin nümayişindən sonra tədbir iştirakçıları keçmiş dövlət başçısının 100 illik yubileyi münasibətilə həmin kitabxanada 2023-cü il mayın 10-da baş konsulluq tərəfindən yenilənərək açılışı baş tutmuş “Azərbaycan guşəsi” ilə tanış olublar.

Oxşar xəbərlər

Maestro Niyazinin anadan olmasının 112 illiyinə həsr edilmiş sərgi keçirilib

FHN Sumqayıtda Heydər Əliyevin 102-ci ildönümünə həsr olunmuş tədbir keçirib

FHN-in Sumqayıt Regional Mərkəzində Heydər Əliyevin anadan olmasının 102-ci ildönümü qeyd edilib

​​​​​​​FHN-in Sumqayıt Regional Mərkəzində Heydər Əliyevin anadan olmasının 102-ci ildönümü ilə bağlı tədbir keçirilib - FOTO

Yekaterinburqda Ulu Öndər Heydər Əliyevin xatirəsi anılıb