Bu gün Hacı Zeynalabdin Tağıyevin həyat və fəaliyyətindən bəhs edən “Səxavət dünyasının sərvəri” kitabının təqdimatı keçirilib.

Sizinxeber.az xəbər verir ki, "LIBRAFF" kitab mağazasında keçirilən tədbirdə tarixçilər, ictimai xadimlər və kitabsevərlər iştirak ediblər.

Tədbirdə açılışında kitabın müəllifi tarix elmləri doktoru Fərhad Cabbarov əsər haqqında ətraflı məlumat verib. O bildirib ki, kitabın hazırlanması zamanı dörd ölkənin arxiv materiallarından istifadə edilib: "Tağıyev haqqında bir çox yanlış fikirlərlə yanaşı əfsanələşmiş məsələlər də mövcuddur. Çalışmışıq kitabda bunların hamısına aydınlıq gətirək".

Milli Tarix Muzeyinin direktoru akademik Nailə Vəlixanlı, professorlar - Ədalət Tahirzadə, Solmaz Rüstəmova-Tohidi, Əməkdar mədəniyyət işçisi Rahib Azəri çıxış edərək kitab haqqında fikilərini bölüşüblər.

Qeyd edək ki, “TEAS Press” Nəşriyyat evində çap olunan “Səxavət dünyasının sərvəri” kitabında böyük xeyriyyəçi Hacı Zeynalabdin Tağıyevin həyat və fəaliyyəti haqqında aparılan araşdırmalar, yeni tapıntılar yer alıb.

İlkin Naib

Oxşar xəbərlər

"Tağıyev" sənədli filminin təqdimatı olub - FOTO

Astanada Zəfər Gününə həsr edilmiş kitabın təqdimatı olub

“Zərifə və Heydər Əliyevlər. Əbədiyaşar məhəbbət” kitabı Astanada təqdim edilib

“Heydər Əliyev – 100: Biblioqrafik məlumat kitabı”nın təqdimatı keçirilib

“Ziyayi Qafqaziyyə” kitabının təqdimatı keçirilib - FOTO