Naxçıvan şəhərində Ümummilli Lider Heydər Əliyevin anadan olmasının 103-cü ildönümü münasibətilə təşkil edilən silsilə tədbirlər çərçivəsində konsert proqramı baş tutub.

"Report"un yerli bürosu xəbər verir ki, Naxçıvan Şəhər İcra Hakimiyyəti və muxtar respublikanın Mədəniyyət Nazirliyinin birgə təşkilatçılığı ilə reallaşan tədbir "Saat Meydanı" Turistik İstirahət Mərkəzində təşkil olunub.

Açıq havada keçirilən konsert proqramı həm şəhər sakinləri, həm də qonaqlar üçün bayram əhval-ruhiyyəsi yaradıb. Gecədə Naxçıvan Dövlət Filarmoniyasının solistləri ilə yanaşı, Azərbaycan musiqi sənətinin tanınmış simaları çıxış edərək tamaşaçılara unudulmaz anlar yaşadıblar. Xalq artistləri Samir Cəfərov və Gülyaz Məmmədova, Əməkdar artist Nuriyyə Hüseynova, IV Televiziya Muğam Müsabiqəsinin qalibi Sərxan Bünyadzadə və Şəmistan Əlizamanlı öz repertuarları ilə bayram gecəsinə rəng qatıblar.

Proqram çərçivəsində səsləndirilən milli musiqilər, muğam inciləri və müasir bəstəkarların əsərləri Azərbaycanın zəngin mədəni irsini bir daha nümayiş etdirib. Müasir səhnə tərtibatı, işıq və səs effektləri ilə müşayiət olunan konsert yüksək zövqlə hazırlanan musiqi bayramına çevrilib.

Oxşar xəbərlər

Gəncədə "Zəfərin mübarək, Azərbaycan!" adlı konsert proqramı keçirilir

Gəncədə "Zəfərin mübarək, Azərbaycan!" adlı konsert proqramı keçirilib - FOTO

Xankəndidə Zəfər Gününə həsr olunmuş konsert proqramı keçirilib

Heydər Əliyev Mərkəzinin parkında Milli Qurtuluş Gününə həsr olunan konsert keçiriləcək