Vyanada Azərbaycanın Müstəqillik Gününün 107-ci ildönümünə həsr olunmuş rəsmi tədbir keçirilib.

"Report" xəbər verir ki, bu barədə Azərbaycanın Avstriya və Sloveniyadakı səfiri, ölkənin ATƏT və Vyanadakı digər beynəlxalq təşkilatlar yanında daimi nümayəndəsi Rövşən Sadıqbəyli “X” sosial şəbəkəsindəki hesabında paylaşım edib.

Diplomat qeyd edib ki, bayram tədbirində iştirak edən qonaqlar arasında Avstriyanın Avropa və Beynəlxalq Məsələlər üzrə Federal Nazirliyinin baş direktorunun müavini Gerhard Zayller, ATƏT-in baş katibi Feridun Sinirlioğlu, diplomatik missiyaların, beynəlxalq təşkilatların nümayəndələri, həmçinin Avstriyadakı Azərbaycan icmasının üzvləri olub.

"Mayın 28-də biz Azərbaycanın şanlı müstəqilliyini və inkişaf yolunu yad edirik. Konstitusiyamızda təsbit olunmuş ideallar və dəyərlər müstəqil və suveren dövlət kimi yeni üfüqlərə doğru yolumuzda bizim istiqamətimiz olaraq qalır", - səfir yazıb.

Oxşar xəbərlər

Türkiyənin sabiq xarici işlər naziri ATƏT-in yeni baş katibi olub

Ceyhun Bayramov ATƏT-in yeni təyin olunmuş baş katibi ilə telefonla danışıb

XİN: Bütöv və suveren Azərbaycanımıza şanlı tarix, əbədi müstəqillik yolu arzu edirik

Ceyhun Bayramov ATƏT-in yeni baş katibi ilə telefonla danışıb

Azərbaycanın Sloveniyadakı səfiri Xocalı soyqırımı qurbanlarının xatirəsini yad edib