Parisdə “Dünyanın leksikoqrafiyada xəritələşdirilməsi: “Divanü Lüğat-it-Türk”ün 950-ci ildönümü” mövzusunda beynəlxalq konfrans keçiriləcək.

“Report”un məlumatına görə, konfrans dekabrın 13-də YUNESKO-nun Parisdəki qərargahında baş tutacaq.

Konfransda türk dövlətlərinin UNESCO üzrə Milli Komissiyalarının Baş katibləri və bu ölkələrin həmin təşkilatdakı Daimi Nümayəndələri iştirak edəcək.

Tədbirin məqsədi "Divanü Lüğat-it-Türk"ün dünya mədəniyyətinə, eyni zamanda Türk xalqlarının dilinin inkişafı və mədəni irsinə qatdığı töhfələri işıqlandırmaqdır.

Konfrans çərçivəsində Azərbaycan, Qazaxıstan, Qırğızıstan, Türkiyə, Özbəkistan, Türkmənistan, Macarıstan və digər ölkələrdən alimlər, tədqiqatçılar, dövlət və beynəlxalq təşkilatların nümayəndələri bir araya gələrək əsərin tarixi, dilçilik və mədəni əhəmiyyətini müzakirə edəcəklər.

Beynəlxalq konfransda türk dünyasından olan alimlərin təqdimatlarının təşkili ilə yanaşı, Mahmud Kaşğari irsi ilə bağlı görüşlər və araşdırmalar haqqında fikir mübadiləsi aparılacaq.

Həmçinin proqrama "Divanü Lüğat-it-Türk"lə bağlı yeni görüşləri sərgiləyən təqdimat və sənədli filmin nümayişi daxildir.

Oxşar xəbərlər

Parisdə "Divani-Lüğat-ət-Türk" əsərinə həsr olunmuş elmi konfrans keçiriləcək [xfgiven_updateblue][/xfgiven_updateblue]

SOCAR prezidenti Türkmənistanda keçiriləcək konfransda iştirak edəcək [xfgiven_updateblue][/xfgiven_updateblue]

Türk Dövlətləri Rəqabət Şurası yaradılıb, qurumun növbəti iclası Şuşada keçiriləcək [xfgiven_updateblue][/xfgiven_updateblue]

Qırğızıstanda türk dövlətlərinin süni intellekt üzrə sammiti keçiriləcək [xfgiven_updateblue][/xfgiven_updateblue]

Beynəlxalq Türk Mədəniyyəti və İrsi Fondunun təsis edilməsindən 12 il ötür [xfgiven_updateblue][/xfgiven_updateblue]