Fikrət Əmirov adına Gəncə Dövlət Filarmoniyasında Beynəlxalq Muğam Mərkəzi və Azərbaycan Milli Konservatoriyasının birgə təşkilatçılığı ilə "Bakıdan Gəncəyə" layihəsi çərçivəsində Xalq artisti, tarzən Malik Mansurovun rəhbərliyi ilə "Naz-Nazı" muğam qrupunun konserti baş tutub.

APA xəbər verir ki, Konsertdə Malik Mansurov (tar), İbrahim Cabbarov (bəm tar), Səyyar Teymurov (zərb alətləri), Məhta Məhəmmədəlizadə (qanun), Xəyyam Cabbarlı (ud), Abuzər Əsgərli (kamança), Nüşabə Kərimli (xanəndə), Mirəli Sarızadə (xanəndə), Parsa Xaef (setar, xanəndə, Ərdəbil), Araz Qasemi (tar, Təbriz), Reza Mohəmmədi (kamança,Təbriz), Yavər Zəndabadi (ud, Təbriz) çıxış ediblər.

"Naz-Nazı" muğam qrupunun ifasında "İz" və "Yari-pünhan kompozisiyaları, xalq mahnıları "Xumar oldum" və "Dağların başı", "Gül dəstəsi" xalq rəqsi, "Qarabağ şikəstəsi", "Çahargah dəramədi" səsləndirilib.
Konsert tamaşaçılar tərəfindən rəğbətlə qarşılanıb.

Oxşar xəbərlər

Gəncə Dövlət Filarmoniyasında "Naz-Nazı" muğam qrupunun konserti baş tutacaq

Gəncə Dövlət Filarmoniyasında "Ruhun qidası" adlı konsert proqramı baş tutub

Gəncə Filarmoniyasında Arif Məlikovun mahnılarından ibarət konsert olub

Gəncə Dövlət Filarmoniyasında "Bakıdan Gəncəyə" klassik musiqi gecəsi keçirilib

Xalq artisti Şahnaz Haşımovanın yaradıcılıq gecəsi keçiriləcək