COP29-da çox pozitiv nəticələr əldə edildi.

“Sizinxeber.az” xəbər verir ki, bu barədə Yunanıstan Xarici İşlər Nazirliyinin Baş katibi Dimitris Skalkos bu ölkənin Milli Günü münasibətilə Bakıda keçirilən rəsmi qəbulda danışıb.

O, bunu Yunanıstan Baş nazirinin rəhbərlik etdiyi nümayəndə heyətinin üzvü kimi şəxsən müşahidə etdiyini vurğulayıb:

“Yunanıstan nümayəndə heyəti ən iri və yüksəksəviyyəli heyətlərdən biri idi. Ölkələrimiz arasındakı münasibətlər getdikcə möhkəmlənir. Bu, ötən ilin noyabr ayında Bakıda COP29 çərçivəsində onların Prezident İlham Əliyev və Baş nazir Kyriakos Mitsotakis arasında keçirilmiş səmərəli görüşdə əks olunan pozitiv ruh üzərində qurulub”.

Baş katib Yunanıstan XİN-in dialoqu davam etdirmək istəyini də vurğulayıb:

“Strateji enerji tərəfdaşlığımızdan kənara çıxaraq ikitərəfli münasibətlərimizin bütün spektrində hələ tam araşdırılmamış potensialdan istifadə etmək üçün dialoqu davam etdirmək istəyirik”.

Oxşar xəbərlər

Yunanıstan XİN-in Baş katibi: Azərbaycanla ikitərəfli münasibətlər böyük potensiala malikdir

Nazir müavini: Yunanıstanla yüksək səviyyəli siyasi dialoqu müsbət qiymətləndiririk

Baş nazir: "Yunanıstan TAP-ın genişləndirilməsini dəstəkləməyə hazırdır"

Yunanıstan Baş naziri: COP kimi tədbirlərə çox optimist yanaşırıq

Səfir: Yunanıstan ehtiyac olarsa, TAP-ın genişləndirilməsinə dəstək verməyə hazırdır