“Ortaq öhdəliyimiz və birgə fəaliyyətlərimiz vasitəsilə biz iqlim dəyişikliyi ilə bağlı problemləri sülh və möhkəmlik üçün fürsətə çevirə bilərik. Gəlin bir olaq, çünki davamlı və təhlükəsiz dünya bizim əlimizdədir”.

APA xəbər verir ki, bunu İtaliyanın İqlim dəyişikliyi üzrə xüsusi elçisi professor Francesco Corvaro COP29 çərçivəsində keçirilən “İqlim və Sülh: Heç kim arxada qoymamaq naminə birgə fəaliyyət”adlı Yüksək səviyyəli Paneldə deyib.

O bildirib ki, İtaliya öz həyati rolunu və məsuliyyətini dərk edir:
“Tərəfdaşlarımız olan Azərbaycan, Misir, Almaniya, Uqanda, BƏƏ və Böyük Britaniya ilə yanaşı, biz Bakı İqlim və Sülh Fəaliyyəti Aktı çərçivəsində beynəlxalq əməkdaşlığı inkişaf etdirməyə sadiqik.
Bu birgə səy, üzləşdiyimiz təcili çağırışlara qlobal cavabın hazırlanmasında çox vacibdir.

Bundan əlavə, biz qadınların sülhün möhkəmləndirilməsində və təbiətin qorunmasında mühüm rolunu dərk edirik. Sosial sabitliklə yanaşı ətraf mühitin mühafizəsini təşviq etməklə, biz təkcə ekoloji problemləri həll etmirik, həm də münaqişə və iqlim dəyişikliyindən tez-tez və ən çox təsirlənənlərə güc veririk. İtaliya əməkdaşlığın genişləndirilməsinə və sülh-iqlim əlaqəsi üzrə dialoqun dərinləşdirilməsinə sadiqdir. Biz su qıtlığı, ərzaq təhlükəsizliyi və iqlimlə bağlı miqrasiya kimi kritik məsələlərə diqqət yetirməliyik. Bu çağırışlar vahid cəbhə, innovativ həllər, ədalət tələb edir. Unutmayaq ki, bugünkü səylərimiz gələcək nəsillər üçün yaşadığımız gələcəyi formalaşdıracaq”.

Oxşar xəbərlər

Francesco Corvaro: İtaliya COP29 iqlim və sülh təşəbbüsündə tam öhdəliyini nümayiş etdirir

COP29 Sülh, Yardım və Bərpa Gününün açılışı olub - FOTO

Ceyhun Bayramov: 500 milyondan çox insan münaqişə və ya münaqişəyə meyilli ərazilərdə yaşayır

Nigar Arpadari: Bakı İqlim Həftəsinin fəaliyyəti bir çağırışdır

Almaniyalı nümayəndə: İtki və zərər nəticələrini təmin edən uğurlu COP-a sahib olmaq üçün dəstək verməliyik