Bakıda COP29 iştirakçıları üçün noyabrdan etibarən 9 informasiya mərkəzi yaradılacaq. Bunlardan 7-si şəhərdə, daha 2-si isə hava limanları istiqamətində olacaq.

“Sizinxeber.az” xəbər verir ki, bunu COP29 Azərbaycan Əməliyyat Şirkətinin Ziyarətçi təcrübəsi üzrə şöbə müdiri İlkin Cavadov jurnalistlərə açıqlamasında deyib.

Onun sözlərinə görə, bu il noyabrın 11-22-də Bakıda keçiriləcək COP29 konfransında qarşıda duran əsas missiya konfransın ən yüksək səviyyədə təşkil olunmasıdır: "Ölkəyə gələn qonaqlar üçün şöbə tərəfindən istiqamətverici və məlumatlandırıcı işarələr qoyulur. Qonaqlar və iştirakçılar üçün nəzərdə tutulan nəqliyyat vasitələrində xüsusi müvəqqəti nişanlar olacaq. Əlavə olaraq, hava limanı və Koroğlu metrosu ərazisində məlumatlandırıcı və istiqamətləndirici işarələr olacaq. Bununla ziyarətçilər məkanı daha tez və rahat tapa biləcək".

İ.Cavadov bildirib ki, tədbir məkanının ətrafında yaradılan ərazilərin tapılması üçün rəqəmsal xəritə yaradılıb: "Ziyarətçilər istənilən nöqtəni xəritə üzərindən tapa biləcəklər".

Şöbə müdiri həmçinin qeyd edib ki, müəyyən məkanlarda, şəhərin mərkəzindəki mövcud reklam qurğularında, işıq dirəklərində brendinqlərin yerləşdirilməsi işlərinə başlanılıb.

Oxşar xəbərlər

Sektor müdiri: COP29 Çağrı Mərkəzi yaradılacaq

COP29 çərçivəsində Bakıda 350 elektrik avtobusu işləyəcək

Bakıda COP29-la bağlı yüzlərlə taksi və 400-ə yaxın avtobusun hərəkəti təşkil ediləcək

COP29 Əməliyyat Şirkəti dayanıqlı tədbir idarəçiliyi sertifikatını əldə edən ilk Azərbaycan şirkəti olacaq

COP29 zamanı Bakıda optimallaşdırılmış nəqliyyat sxemi tətbiq ediləcək