Kənd Təsərrüfatı Nazirliyinin Üzümçülük və Şərabçılıq Elmi-Tədqiqat İnstitutunun əməkdaşları ixtiralarına görə patent alıblar.

"Report" bu barədə nazirliyə istinadən xəbər verir.

Məlumata görə, İnstitutun direktoru Vüqar Səlimov, aparıcı elmi işçilər Mövlud Hüseynov, Şamil Tahirov və böyük elmi işçi Arzu Əhmədovun təqdim etdiyi ixtiraya Əqli Mülkiyyət Agentliyi patent verib. Patent “Qırmızı kəmşirin desert şərabının istehsal üsulu” adlı ixtiraya görə alınıb. Üsul qırmızı kəmşirin desert şərabının istehsalına aiddir və şərabçılıq sənayesində istifadə oluna bilər.

Təklif olunan texnologiya indiyə qədər mövcud olan texnologiyalardan onunla fərqlənir ki, bu texnologiyanın tətbiqi əldə olunan şərabçılıq məhsulunun fiziki-kimyəvi tərkibinin zənginləşməsini və orqanoleptik xüsusiyyətlərinin mükəmməlləşməsini təmin edir.

Məqsəd yüksək keyfiyyətli, daha zəngin dada malik, mükəmməl iyli, həm fiziki-kimyəvi tərkibi, həm də orqanoleptik göstəriciləri ilə seçilən qırmızı kəmşirin desert şərabının istehsalına nail olmaqdır.

Oxşar xəbərlər

Şamaxıda III Üzüm və Şərab Festivalına start verilib

Elmi-Tədqiqat Ağciyər Xəstəlikləri İnstitutu auditor seçir

"Azərbərpa Elmi-Tədqiqat Layihə İnstitutu"na yeni direktor təyin edilib

Su və Meliorasiya Elmi-Tədqiqat İnstitutu auditor seçir

Kənd Təsərrüfatı Nazirliyində kadr dəyişikliyi olub