Türkiyədə kömür mədənində partlayış olub, ölən və yaralananlar var

Türkiyənin Sivas şəhərində kömür mədənində partlayış olub.

“Report” “Haber Global”a istinadən xəbər verir ki, hadisə Zara rayonunda qeydə alınıb.

Hadisə nəticəsində bir nəfər ölüb, daha iki nəfər yaralanıb. Partlayış yanğına səbəb olub.

Sivas valiliyindən verilən məlumata görə, həm ölən, həm də xəsarət alanlar əcnəbilərdir.

Yaralılar xəstəxanaya yerləşdiriliblər.

Hadisə ilə bağlı araşdırma başladılıb.

Partlayışın səbəbi hələ məlum deyil.