Pakistan Baş naziri Məhəmməd Şahbaz Şərif İran Prezidenti Məsud Pezeşkianın rəsmi dəvəti ilə Tehranda səfərdədir.

“Sizinxeber.az” xəbər verir ki, məlumatı “Mehr” agentliyi yayıb.

Bildirilib ki, Şahbaz Şərifi Tehran Mehrabad hava limanında İranın daxili işlər naziri İsgəndər Mömini qarşılayıb.

Səfər proqramına əsasən, Baş nazir ikitərəfli münasibətlər, son regional və beynəlxalq problemlər, həmçinin qarşılıqlı maraq doğuran məsələlər barədə yüksək səviyyəli İran rəsmiləri ilə danışıqlar aparacaq.

Bildirilib ki, Şahbaz Şərif İran Prezidenti Məsud Pezeşkian ilə görüşəcək.

Məlumata görə, 2024-cü ildə iki ölkə arasında ticarət dövriyyəsinin həcmi üç milyard dolları keçib.

Qeyd edək ki, Pakistan baş nazirinin dörd ölkəyə - Türkiyə, İran, Azərbaycan və Tacikistana səfəri mayın 25-də başlayıb, mayın 29-dək davam edəcək.

Səfərdən əvvəl Məhəmməd Şahbaz Şərif İslamabaddakı IRNA müxbirinə verdiyi eksklüziv müsahibədə bildirib ki, Tehrana səfərinin əsas məqsədi Pakistan və Hindistan arasında son münaqişələr zamanı İranın sülhsevər mövqeyini qiymətləndirmək olacaq.

Oxşar xəbərlər

Şahbaz Şərif İrana səfər edib

Pakistan Baş naziri Türkiyədə səfərdədir

Ərdoğan Pakistanın Baş naziri ilə görüşüb – YENİLƏNİB

Pakistanın Baş naziri Məhəmməd Şahbaz Şərif Azərbaycana dövlət səfərinə gəlib

Pakistanın Baş naziri Məhəmməd Şahbaz Şərif Azərbaycana dövlət səfərinə gəlib - FOTOLENT