Ermənistanda vəkil Ara Qaragözyan müdafiə etdiyi şəxsin Armavirdə polis əməkdaşları tərəfindən döyüldüyünü bildirib.

“Report” xəbər verir ki, bu barədə Ermənistan KİV məlumat yayıb.

Vəkilin sözlərinə görə, polislər həmin şəxsə evində zor tətbiq edib, bundan sonra onu məntəqəyə aparıblar və ağzını lentlə bağlayaraq döyməyə davam ediblər. Bunu təsdiqləmək üçün o, sosial şəbəkədə video və fotolar yerləşdirib. Zərərçəkmiş şəxs Baş Prokurorluğa şikayət edib.

Ermənistan Daxili İşlər Nazirliyinin mətbuat katibi Narek Sarkisyan da öz növbəsində sosial şəbəkələrdə məlumat verib ki, polis əməkdaşları müstəntiqin qərarı ilə hərəkət edib, kişi isə onların tələblərini yerinə yetirməkdən imtina edib. Onun sözlərinə görə, gücdən məcburi hərəkətə nail olmaq üçün istifadə edilib.

Hərəkətlərin qanuniliyi Daxili Təhlükəsizlik İdarəsi tərəfindən yoxlanılır.

Oxşar xəbərlər

Semka da saxlanıldı - Rəsmi

DİN-dən 12 yaşlı qızın 32 yaşlı kişi ilə nişanlandırılması məsələsinə REAKSİYA

DİN vəkilin polis tərəfindən təzyiqə məruz qalması ilə bağlı iddialarına cavab verib

Sosial şəbəkədə vətəndaşı şantaj edən şəxs həbs edilib

Yeniyetmə qız 42 yaşlı şəxsə ərə verilir? - AÇIQLAMA