“Moskva Vaşinqtonla dialoqu bərpa etməyə hazırdır, lakin təkcə sözlərə etibar etməyəcək”.

“Sizinxeber.az” xəbər verir ki, bu barədə TASS-a müsahibəsində Rusiya Federasiyası Təhlükəsizlik Şurasının katibi Sergey Şoyqu bildirib.

Onun sözlərinə görə, ABŞ Prezidenti Donald Trampın administrasiyası Rusiya ilə ikitərəfli münasibətləri bərpa etmək üçün müəyyən addımlar atır.

“Bu istiqamətdə ilk nəticələr onun əməli münasibətindən xəbər verir. ABŞ faktiki olaraq sələflərinin bir çox stereotiplərini rədd edərək hadisələrə real baxış nümayiş etdirir. Biz bu yanaşmanı alqışlayırıq və buna uyğunlaşmağa hazırıq.

Amerikalıların nizamlanma tələb edən yığılmış sistemli problemləri həll etməyə hazır olub-olmadığını zaman göstərəcək. Bu proses mürəkkəbdir və heç də sürətli deyil. Birləşmiş Ştatlarla qarşılıqlı əlaqəmizin tarixi göstərir ki, şifahi təminatlara deyil, yalnız konkret hərəkətlərə və faktlara etibar etmək olar. Ancaq çinli dostlarımızın dediyi kimi, min liqalıq səyahət bir addımdan başlayır. Bu gün biz deyə bilərik ki, ilk addımlar hər iki tərəfdən - Amerika və Rusiya tərəfindən atılıb”.

Oxşar xəbərlər

Rusiyalı deputat: “İrəvan üzərinə götürdüyü öhdəlikləri yerinə yetirməyə hazır deyil”

Rusiya Ukrayna münaqişəsinin sülh yolu ilə həlli üçün şərtini açıqlayıb

Putin: Rusiya ABŞ ilə münasibətləri normallaşdırmağa hazırdır

Sergey Ryabkov: Rusiya ABŞ-nin yeni administrasiyası ilə istənilən təmaslara hazırdır

Putin: ABŞ-nin yeni administrasiyası ilə ilk təmaslar müəyyən ümidlər doğurur