Ermənistanın Korrupsiyaya qarşı Mübarizə Komitəsinin baş katibi Gerasim Mkrtçyanın istefası "qaz bandası" adlanan işlə bağlı ola bilər.

“Sizinxeber.az” xəbər verir ki, bu barədə Ermənistan KİV-i məlumat yayıb.

İstefa ərizəsini təqdim etməzdən əvvəl Mkrtçyan qalmaqal yaradıb və öz postunu tərk etmək istəməyib. Komitədəki mənbələr iddia edirlər ki, onun işdən çıxarılmasının təşəbbüskarı strukturun yeni rəhbəri Artur Naapetyan ola bilər. Mənbələrin sözlərinə görə, onun başlatdığı genişmiqyaslı kadr dəyişikliyi prosesi çərçivəsində adları əvvəllər qalmaqallarda hallanmış əməkdaşlar ixtisar edilirlər.

Söhbət keçmiş deputat Naapet Gevorkyan, onun iki oğlu, həmçinin daha bir sabiq deputat Karo Karapetyannın oğlu Vilen Karapetyanın adlarının çəkildiyi araşdırmadan gedir. İddia olunur ki, onların hamısı uzun müddət qanundan kənar fəaliyyət göstərərək maye qaz bazarını nəzarətdə saxlayıblar.

Qəzetin yazdığına görə, sözügedən iş üzrə materiallar dərc edildikdən sonra 33 qazdoldurma məntəqəsi bağlanıb.

Oxşar xəbərlər

Ermənistanın adı qalmaqalda hallanan deputatı hakim partiyadan qovulub

Ermənistan İstintaq Komitəsinin idarə rəisi istefa verib

Erməni deputat: Paşinyan yaxın aylarda istefa verəcək

Korrupsiyaya qarşı mübarizə üzrə Komissiyanın üzvləri təyin edilib - SİYAHI

Qalmaqallı direktor həbs olundu