Gürcüstanda azərbaycandilli təhsil müəssisələri Novruz bayramı ilə əlaqədar martın 21-də istirahət hüququ əldə edəcəklər.

“Sizinxeber.az”un yerli bürosunun məlumatına görə, bu barədə Gürcüstanın Təhsil, Elm və Gənclər Nazirliyindən ictimai fəal Aygül İsayevanın müraciətinə cavab olaraq bildirilib.

Qeyd olunub ki, bayramın qeyd olunduğu bələdiyyələrdə fəaliyyət göstərən dövlət və özəl məktəblər müvafiq müraciət əsasında həmin gün istirahət edə bilərlər.

Aygül İsayeva açıqlamasında bir neçə ildir bu məsələ ilə bağlı aidiyyəti üzrə müraciət ünvanladığını və cavab məktubunu məktəb direktorları və təhsil resurs mərkəzləri ilə bölüşdüyünü deyib.

Qeyd edək ki, 2009-cu il sentyabrın 30-da Novruz bayramı UNESCO tərəfindən qeyri-maddi mədəni irs siyahısına daxil edilib. 2010-cu il fevralın 23-də isə BMT Baş Assambleyasının 64-cü sessiyasında martın 21-i “Beynəlxalq Novruz Günü” elan olunub.

Oxşar xəbərlər

Azərbaycanda Novruz və Ramazan bayramları ilə əlaqədar tətil günlərinin sayı artırılıb

Monqolustan UNESCO-nun qeyri-maddi irs siyahısında "Novruz" nominasiyasına qoşulub

Gələn ilin Novruz, Ramazan və Qurban bayramları günləri müəyyənləşib

Bu gün Od çərşənbəsidir