Türkiyə Ali Məhkəməsi 2017-ci ildə İstanbulun "Reina" gecə klubunda 39 nəfərin öldüyü terror aktının icraçısı Əbdülqadir Maşaripova 2020-ci ildə verilmiş 40 qat ömürlük həbs cəzasını təsdiqləyib.

“Report” TASS-a istinadən xəbər verir ki, bu barədə “CNN Türk” telekanalı məlumat yayıb.

Məhkəmə məhkumun müraciətlərinə baxıb və hökmlərin qanun normalarına zidd olmadığını qərara alıb.

Ə.Maşaripov 39 nəfərin qəsdən öldürülməsində və 79 nəfərin öldürülməsinə cəhddə təqsirli bilinib. Məhkəmə 2020-ci ilin sentyabrında onu ağırlaşdırıcı hallarla 40 qat ömürlük həbs cəzasına və hər maddə üzrə 1368 il həbs cəzasına məhkum edib.

Ali Məhkəmə, həmçinin kluba hücumla bağlı işdə daha 31 məhkumun müraciətlərinə baxıb. Onlara qarşı çıxarılan hökmlər də dəyişdirilmədən saxlanılıb.

Qeyd edək ki, ölənlər arasında İordaniya, Mərakeş, Səudiyyə Ərəbistanı, Livan, Liviya və İsrail vətəndaşları var idi. Hücuma görə məsuliyyəti "İslam Dövləti" terror qruplaşması öz üzərinə götürüb.

Oxşar xəbərlər

Keçmiş İran rəsmisinin ömürlük həbs cəzası təsdiqləndi - FOTO

Ermənistanda 6 il davam edən məhkəmə yekunlaşıb, polis polkovniki ömürlük həbsə məhkum edilib

Perunun keçmiş prezidenti korrupsiyaya görə 20 il həbs cəzası alıb

Məhkəmə İstanbulda törədilmiş terror aktı ilə bağlı 48 nəfəri həbs edib

İsrail Livanın keçmiş Baş nazirini öldürməkdə təqsirləndirilən şəxsi zərərsizləşdirib