Rusiya və Tacikistan prezidentləri Vladimir Putinlə Emoməli Rəhmon arasında görüş başlayıb.

"Report" TASS-a istinadən xəbər verir ki, danışıqlar Leninqrad vilayətindəki İqora kurortunda baş tutub.

Liderlər siyasi, ticarət-iqtisadi, hərbi-texniki və mədəni-humanitar sahələrdə əməkdaşlığın əsas istiqamətlərinə toxunacaqlar.

Qeyd edilir ki, cari regional problemlərə, o cümlədən Əfqanıstandakı vəziyyətə xüsusi diqqət yetiriləcək.

V.Putin görüşdən əvvəl bildirib ki, münasibətlərin bütün spektri üzrə ikitərəfli danışıqlar keçiriləcək.

İ.Rəhmon öz növbəsində deyib ki, Tacikistan ümumilikdə Rusiya ilə münasibətlərin inkişaf dinamikasından razıdır.

"Rusiya Tacikistanın əsas strateji tərəfdaşıdır", - o vurğulayıb.

Xatırladaq ki, Putin və Rəhmon bundan əvvəl noyabrda Astanada Kollektiv Təhlükəsizlik Müqaviləsi Təşkilatının sammitində görüşüb.

Oxşar xəbərlər

Rusiya və Tacikistan liderlərinin görüşü keçirilib

Tacikistan Prezidenti İlham Əliyevə zəng edib

Emoməli Rəhmon Prezident İlham Əliyevə zəng edib

Emoməli Rəhmon COP29 çərçivəsində Düşənbədə buzlaqların öyrənilməsi üzrə regional mərkəzin yaradılmasını təklif edib