Türkiyə Prezidenti Rəcəb Tayyib Ərdoğan və Avropa Komissiyasının (AK) sədri Ursula fon der Lyayen Ukraynadakı vəziyyəti müzakirə ediblər.

“Report”un məlumatına görə, bu barədə Türkiyə Prezidenti Rəcəb Tayyib Ərdoğan Avropa Komissiyasının sədri Ursula fon der Lyayenlə görüşündən sonra mətbuata açıqlamasında deyib.

Ərdoğan bildirib ki, AK sədri ilə Ukraynada ədalətli və davamlı sülhü təmin etmə yolları ətrafında fikir mübadiləsi aparıblar.

R.T.Ərdoğan Türkiyə ilə Aİ arasında viza sərbəstliyi təmin olunana qədər qarşı tərəfdən bu prosesi sürətləndirəcək addımların atılacağına ümid etdiyini vurğulayıb:

“İki gün sonra baş tutacaq birlik zirvəsində münasibətlərdəki bütün məhdudiyyətləri aradan qaldıracağımıza, təxirə salınan yüksək səviyyəli dialoqları bərpa edəcəyimizə və viza sərbəstliyi təmin edilənə qədər bu prosesi sürətləndirəcək qərarların alınacağına ümid bəsləyirəm.

Ən qısa müddətdə Türkiyə-Avropa İttifaqı zirvəsini keçirməklə münasibətlərimizi olmalı olduğu səviyyəyə qaldırmağa ümid edirəm”.

Oxşar xəbərlər

Türkiyə Prezidenti: Avropa İttifaqına üzvlük Ankaranın strateji hədəfidir

Ərdoğan Ursula fon der Lyayeni qəbul edib

Ərdoğan Avropa Komissiyasının sədri ilə Suriyaya humanitar yardımın tədarükünü müzakirə edəcək

Prezident İlham Əliyev və Prezident Rəcəb Tayyib Ərdoğan mətbuata bəyanatlarla çıxış edirlər

Ərdoğan İlham Əliyevlə danışdı