Ermənistan Xarici İşlər Nazirliyi (XİN) nazir Ararat Mirzoyanın xarici işlər nazirlərinin oktyabrın 18-də İstanbulda keçiriləcək “3+3” formatında üçüncü görüşündə iştirakını təsdiqləyib.

“Sizinxeber.az” xəbər verir ki, bu barədə Ermənistan XİN-in mətbuat katibi Ani Badalyan məlumat verib.

“Ermənistan Respublikasının xarici işlər naziri Ararat Mirzoyan oktyabrın 18-də Türkiyədə “3+3” regional məşvərət platformasının üçüncü görüşündə iştirak edəcək”, - o qeyd edib.

Xatırladaq ki, Türkiyənin xarici işlər naziri Hakan Fidan oktyabrın 18-də İstanbulda Azərbaycan, Ermənistan, Rusiya və İranın xarici işlər nazirlərinin iştirakı ilə “3+3” formatında III görüşün keçiriləcəyini bildirib.

Rusiya Xarici İşlər Nazirliyinin sözçüsü Mariya Zaxarova da xarici işlər naziri Sergey Lavrovun görüşdə iştirakını təsdiqləyib.

Oxşar xəbərlər

Hakan Fidan: “3+3” formatında XİN başçılarının III görüşü İstanbulda keçiriləcək

Azərbaycan və Ermənistan XİN başçılarının Nyu-Yorkda keçiriləcək görüşünün vaxtı müəyyənləşib

Hakan Fidan: "3+3" platformasının növbəti iclası oktyabrın 18-də İstanbulda keçiriləcək

Ermənistan XİN: Moskvada Bayramovla Mirzoyanın görüşü planlaşdırılmır